પાનકાર્ડનો દરેક નંબર અને અક્ષર તમારા વિશે કેટલીક ખાસ માહિતીને રજૂ કરે છે. જેમ કે તમારી ઓળખ, તે કઈ શ્રેણી માટે બનાવવામાં આવ્યું અને તેની માન્યતા. આ 10-અંકનો આલ્ફાન્યૂમેરિક કોડ ફક્ત કર માટે જ નહીં પરંતુ તમારી નાણાકીય ઓળખ અને ટ્રેકિંગ માટે પણ મહત્વપૂર્ણ છે.
ટેક્સ રિટર્ન ભરવાથી લઈને શેરબજારમાં રોકાણ કરવા અને મિલકત ખરીદવા સુધીના દરેક મોટા નાણાકીય વ્યવહાર માટે પાન કાર્ડ ફરજિયાત છે. એટલા માટે પરમેનન્ટ એકાઉન્ટ નંબર પાનકાર્ડ આધાર કાર્ડની જેમ એક મહત્વપૂર્ણ દસ્તાવેજ બની ગયો છે, ખાસ કરીને જ્યારે નાણાકીય વ્યવહારોની વાત આવે છે, ત્યારે પણ પાન કાર્ડનું મહત્વ નોંધપાત્ર રીતે વધી જાય છે. આ 10-અંકનો આલ્ફાન્યૂમેરિક ઓળખ નંબર છે. જે સામાન્ય જનતા તેમજ દેશની કંપનીઓ અને સંગઠનોને આપવામાં આવે છે. સંગઠિત ક્ષેત્રમાં નોકરી મેળવવા, ટેક્સ રિટર્ન ભરવા, શેરબજારમાં રોકાણ કરવા અને મિલકત ખરીદવાથી લઈને દરેક મોટા નાણાકીય વ્યવહાર માટે પાન કાર્ડ ફરજિયાત છે.
ચાલો જાણીએ પાનકાર્ડના આલ્ફાન્યૂમેરિક નંબરનો અર્થ :
પાન કાર્ડ ચોક્કસ ફોર્મેટમાં જાહેર કરવામાં આવે છે, જેમ કે ABCDE1234F. આ દરેક અક્ષર ચોક્કસ માહિતી દર્શાવે છે.
પહેલા ૩ અક્ષરો: અંગ્રેજી અક્ષરોની ક્રમિક શ્રેણી (AAA-ZZZ)
ચોથો અક્ષર: તે ધારકનો પ્રકાર દર્શાવે છે જેને પાન કાર્ડ જારી કરવામાં આવે છે.
પાંચમો અક્ષર: વ્યક્તિના છેલ્લા નામ અથવા સંસ્થાના નામનો પહેલો અક્ષર
આગામી 4 અક્ષરો: 0001 થી 9999 સુધીની કોઈપણ સંખ્યા
છેલ્લો અક્ષર: એક ચેક ડિજિટ છે.
પાન કાર્ડ ધારકોના પ્રકારો અને તેમના કોડ :
પાન કાર્ડના ચોથા અક્ષરનો ઉપયોગ પાન કાર્ડ ધારક કયા પ્રકારનું છે તે જાણવા માટે થઈ શકે છે. નીચે આપેલી માહિતી દ્વારા તમે તેને વધુ સારી રીતે સમજી શકો છો.
કોડ ધારકનો પ્રકાર
P વ્યક્તિ
C કંપની
H હિન્દૂ અવિભાજીત કુટુંબ
A લોકોનો સંઘ
B લોકોનો સમૂહ
G સરકારી એજન્સી
J કૃત્રિમ ન્યાયિક વ્યક્તિ
L લોકો ઓથોરિટી
F ફર્મ અથવા પાર્ટનરશિપ ફર્મ
T ટ્રસ્ટ
પાન કાર્ડ શા માટે જરૂરી છે?
પાન કાર્ડ માત્ર કામ સંબંધિત દસ્તાવેજ નથી, તે તમારી નાણાકીય ઓળખ પણ છે. તેના મુખ્ય ઉપયોગો નીચે મુજબ છે :
– આવકવેરા રિટર્ન ફાઇલ કરવું.
– મિલકત, કાર, શેર અથવા મ્યુચ્યુઅલ ફંડ જેવા ઉચ્ચ મૂલ્યના વ્યવહારો માટે.
– બેંક ખાતું ખોલાવવું કે ક્રેડિટ કાર્ડ મેળવવું.
– KYC પ્રક્રિયામાં ઓળખ તરીકે.
