રાજ્યમાં ચાર દિવસ માટે માવઠાની આગાહી, જાણો ક્યાં ક્યાં પડશે વરસાદ

હવામાન વિભાગ દ્વારા આજે ગાંધીનગર રાજ્યમાં છૂટાછવાયા વરસાદની આગાહી કરવામાં આવી છે. ઉત્તર અને દક્ષિણ ગુજરાતમાં વધુ વરસાદ હોવાની સંભાવના છે.સૌરાષ્ટ્ર-કચ્છમાં પણ ગાજવીજ અને ભારે પવનની આગાહી કરવામાં આવી છે. અપર એર સાયક્લોનિક સર્ક્યુલેશન સક્રિય થતા વરસાદની આગાહી કરવામાં આવી છે. હવામાન વિભાગ દ્વારા આગાહી અનુસાર ગુજરાતમાં આગામી ચાર દિવસ સુધી માવઠાની શક્યતા છે.

માવઠા અંગે આગાહી કરવામાં આવી

અમદાવાદમાં તાપમાન 40 ડિગ્રીની આસપાસ રહેવાની શક્યતા છે. સાબરકાંઠા, અરવલ્લી, મહિસાગર, પંચમહાલમાં વરસાદની આગાહી છે. દાહોદ, છોટાઉદેપુર, વડોદરા, ભરૂચમાં કમોસમી વરસાદની આગાહી કરવામાં આવી છે. નર્મદા, સુરેન્દ્રનગર, રાજકોટ, બોટાદમાં પૂરની આગાહી કરવામાં આવી છે.

હવામાન વિભાગે જૂનાગઢ, અમરેલી, ભાવનગર, ગીર સોમનાથમાં વરસાદની ભારે આગાહી આપી છે.તેથી દીવ, સુરત, તાપી, ડાંગ, નવસારીમાં અતિ ભારે વરસાદની આગાહી કરવામાં આવી છે. વલસાડ, દમણ, દાદરાનગર હવેલીમાં હળવાથી મધ્યમમાં વરસાદની આગાહી છે.

ચોમાસાના વહેલા આગમનની શક્યતા

ચોમાસાને લઈને મહત્વના સમાચાર સામે આવી રહ્યા છે. કે રાજ્યમાં ચોમાસાનું વહેલા આગમન થવાની સંભાવના છે. આંદામાન નિકોબાર ટાપુ પર ચોમાસુ વહેલું આવે તેવી શકયતા છે. આ કારણે રાજ્યમાં આ વર્ષે ચોમાસું વહેલુ સરું થશે તેમ માનવામાં આવે છે. અનુકૂળ પરિબળોને કારણે, ચોમાસુ વહેલા આવશે.જેમ કે કેરળમાં 27મે સુધીમાં ચોમાસુ પ્રવેશ કરશે તેવી સ્થિતિ છે. ગુજરાતમાં પણ ચોમાસુ વહેલા આવવાની વધુ શકયતા છે.

આજે આ જિલ્લાઓમાં વરસાદની આગાહી

હવામાન વિભાગની આગાહી અનુસાર, આજે સાબરકાંઠા, અરવલ્લી, મહીસાગર, પંચમહાલ, દાહોદ, છોટા ઉદેપુર, વડોદરા, ભરૂચ, નર્મદા, સુરેન્દ્રનગર, રાજકોટ, બોટાદ, જૂનાગઢ, અમરેલી, ભાવનગર, ગીર સોમનાથ, દીવ, સુરત, તાપી, ડાંગ, નવસારી, વલસાડ, દમણ,ગાજવીજ સાથે હળવાથી મધ્યમ વરસાદની આગાહી કરવામાં આવી.

ઉત્તર ગુજરાત અને દક્ષિણ ગુજરાતમાં વરસાદની શક્યતા વ્યક્ત કરવામાં આવી છે. જેથી સૌરાષ્ટ્ર-કચ્છમાં પણ ગાજવીજ અને ભારે પવનની સાથે આગાહી હવામાન વિભાગે કરી છે. ઉત્તર પૂર્વ અરબી સમુદ્રમાં દક્ષિણ ગુજરાત તરફથી વરસાદી સિસ્ટમ સક્રિય થઈ રહયુ છે.અપર એર સાયક્લોનિક સર્ક્યુલેશન સક્રિય થયું હોવાથી વરસાદની સંભાવના છે.

સામાન્ય રીતે 1 જૂને કેરળ પહોંચ્યા પછી, ચોમાસુ 8 જુલાઈ સુધીમાં અન્ય રાજ્યોને આવરી લે તેવી સંભાવના છે, એમ IMD એ જણાવ્યું હતું. 17 સપ્ટેમ્બરની આસપાસ રાજસ્થાન થઈને પરત ફરવાનું શરૂ કરે છે અને 15 ઓક્ટોબર સુધીમાં પૂર્ણ થાય છે.